Borguðu 450 milljónir fyrir húsið

Sendiráð Bandaríkjanna hér á landi greiddi 450 milljónir króna fyrir einbýlishús við Sólvallagötu 14, sem var í eigu Andra Más Ingólfssonar, fyrrverandi aðaleiganda Primera Air og Heimsferða, og Valgerðar Franklínsdóttur, eiginkonu hans. Kaupverðið kemur fram í Markaðnum, fylgiriti Fréttablaðsins í dag en Smartland greindi frá kaupunum í október. 

Frétt af mbl.is

Sendiráð Bandaríkjanna keypti höllina

Áformað er að húsið verði nýtt sem sendiráðsbústaður en sendiráð Bandaríkjanna er í nýjum húsakynnum við Engjateig. Gert var samkomulag um kauprétt sendiráðsins að húsinu við Sólvallagötu 14 í júní í fyrra, sem það greiddi 150 þúsundir dala fyrir, jafnvirði um 20 milljóna króna, sem var síðan nýttur í lok febrúar á þessu ári. Áætlað er að húsið, sem hefur allt verið endurnýjað að utan og innan á síðustu árum og er fasteignamat þess rúmlega 224 milljónir, verði afhent 1. maí næstkomandi. 

• Blogga um frétt