Fyrsta áætlunarflug Icelandair til Tenerife leggur af stað nú í morgunsárið frá Keflavík. Um er að ræða nýjan áfangastað í leiðakerfi Icelandair en flogið verður vikulega í maímánuði. Áætlanir gera ráð fyrir að flogið verði tvisvar til þrisvar í viku þegar dregið hefur úr áhrifum kórónuveirufaraldursins og ferðatakmarkanir hafa verið rýmkaðar. 

„Í gegnum tíðina höfum við einungis flogið til Kanaríeyja í leiguflugi fyrir íslenskar ferðaskrifstofur. Við höfum hins vegar lengi horft til þess að bæta Tenerife við flugáætlun okkar enda vinsæll áfangastaður á meðal Íslendinga sem fellur vel að leiðakerfi Icelandair. Við höfum fengið mjög góð viðbrögð síðan tilkynnt var um þessa viðbót,“ er haft eftir Boga Nils Bogasyni, forstjóra Icelandair Group, í tilkynningu. 

Icelandair stefnir á að auka flugið jafnt og þétt í maí og júní en auk Tenerife mun Icelandair hefja flug á ný til Munchen, New York, Seattle, Chicago, Denver og Washington í maímánuði. 

Tengdar fréttir

Sviptivindar í flugrekstri

Bláfugl sagt hafa skilað flugrekstarleyfi

• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu

» Fleiri tengdar fréttir

• Blogga um frétt