Leiðrétta mistök og afhjúpa mikla hækkun

Þjóðskrá hef­ur birt leiðrétta vísi­tölu íbúðaverðs fyr­ir mars 2021 en við yf­ir­ferð kom í ljós villa í töl­um sem birt­ar voru 20. apríl síðastliðinn. Biðst Þjóðskrá vel­v­irðing­ar á mis­tök­un­um í til­kynn­ingu.

Greint hafði verið frá því að vísi­tala íbúðaverðs á höfuðborg­ar­svæðinu hefði hækkað um 1,6% í mars­mánuði en raun­in er sú að hækk­un­in er mun meiri eða 3,3% milli mánaða.

Vísi­tal­an hef­ur ekki hækkað meira á milli mánaða frá maí 2007. Þá hækkaði hún úr 324 í 335,7 á milli mánaða. Nú hækkaði hún úr 688,9 í 711,7 á milli mánaða.

Vísi­tala íbúðaverðs hækkaði um 3,3% í mars en áður var því haldið fram að hún hefði hækkað um 1,6%. mbl.is/​Krist­inn Magnús­son

Ætlað að varpa ljósi á þró­un­ina

Síðastliðna þrjá mánuði hef­ur vísi­tal­an hækkað um 4,0%, síðatliðna 6 mánuði var hækk­un­in 6,5% og síðustu 12 mánuði hækkaði hún um 10,7%.

Birt­ingu vísi­töl­unn­ar er ætlað að varpa ljósi á þróun fast­eigna­verðs sam­kvæmt þeim gögn­um sem liggja fyr­ir á hverj­um tíma.

Íbúðar­hús­næði er skipt í flokka eft­ir stærð og hvort það telst fjöl­býli eða sér­býli. Reiknað er meðal­fer­metra­verð fyr­ir 9 flokka íbúðar­hús­næðis og er niðurstaðan veg­in með hlut­deild viðkom­andi flokks í heild­ar­verðmæti á markaði miðað við und­an­gengna 24 mánuði.

• Blogga um frétt