„Þetta hefur náttúrlega bara farið langt fram úr björtustu vonum,“ sagði Birgir Jónsson, forstjóri flugfélagsins Play. Flugfélagið hóf sölu á flugmiðum til sjö áfangastaða í Evrópu á sjötta tímanum í dag en fyrsta flug félagsins verður 24. júní. 

Til marks um áfangann voru 1.000 fríir flugmiðar í boði sem leita þurfti að á bókunarsíðu flugfélagsins. Miðunum var dreift á mánuði og voru því nokkrar dagsetningar í hverjum mánuði þar sem miðarnir leyndust. „Miðarnir kláruðust nú frekar snemma í morgun, eftir að við sendum út póstinn,“ sagði Birgir.

Fyrsta flugið verður til London og kost­ar miðinn þangað frá 6.500 krón­um. Aðrir áfangastaðir eru Alican­te, Barcelona, Berlín, Kaup­manna­höfn, Par­ís og Teneri­fe. Flug á þá áfangastaði hefst í júlí. Til að mynda er hægt að bóka ferð til Teneri­fe 3. júlí og Berlínar 5. júlí, Alican­te 17. júlí og Barcelona 23. júlí. Par­ís verður í boði frá 18. júlí og Kaup­manna­höfn 22. júlí.

Tengdar fréttir

Flugfélagið Play

Uppgjörið vonbrigði að mati forstjóra

• Innherji: Níutíu prósentin hjá Controlant og Play
• Líst vel á fyrirætlanir Play
• Hafa áður farið á móti straumnum
• Greinendur svartsýnir á stöðu Play

» Fleiri tengdar fréttir

• Blogga um frétt