Rafmyntir hríðfalla eftir ákvörðun Kína

Verð á bitcoin hefur fallið um 30% í dag eftir að ríkisstjórn Kína gaf til kynna að hún ætlaði að banna allar færslur með rafmynt. Þetta kemur einnig í kjölfar þess að auðjöfurinn Elon Musk gaf í skyn að fyrirtækið hans, rafbílaframleiðandinn Tesla, ætlaði að selja bitcoin-stöðuna sína sem er metin á 1,5 milljarða bandaríkjadala eða um 184 milljarða króna. Einnig tilkynnti rafbílaframleiðandinn í seinustu viku að hann ætlaði að hætta að taka á móti bitcoin sem greiðslu fyrir bíla sem fyrirtækið selur og byrjaði þá verðið að lækka snarlega. 

Frétt af mbl.is

Bitcoin hríðfellur eftir tilkynningu Musks

Verð á bitcoin féll niður fyrir 30.000 bandaríkjadali í dag og er þetta um helmingslækkun frá því þegar rafmyntin náði hámarki sínu í 63.000 bandaríkjadölum um miðjan apríl. Rafmyntamarkaðurinn hefur fylgt lækkun bitcoin og hefur ethereum sem er næststærsta rafmynt heims lækkað um nánast helming síðan verðið náði hámarki í byrjun maí. Sama má segja um flesta aðra rafmynt. 

Bannið kemur í kjölfari þess að kínversk stjórnvöld eru að reyna að koma í veg fyrir peningaþvætti, en kínverskir rafmyntáhugamenn halda þó ró sinni: „Þetta hefur gerst áður og nú er þetta byrjað að gerast á hverju ári, en rafmynt er komin til þess að vera,“ segir Zeng Jiajun fjárfestir.

• 1 blogg um fréttina

Bloggað um fréttina

• Ómar Ragnarsson: "Fari´eitthvað upp / það fellur á ný..."