Icelandair bætir við áfangastað

Icelandair mun hefja áætlunarflug til Salzburg eftir áramót til þess að anna eftirspurn í skíðaferðir. Auk þess verður áætlunarflugferðum til Orlando og Tenerife fjölgað í vetur. 

Í tilkynningu frá félaginu kemur fram að þetta sé gert til þess að anna auknum vinsældum áfangastaðanna yfir jól og páska. Flugin til Salzburg verða á hverjum laugardegi frá 15. janúar og til 5. mars. 

Frétt af mbl.is

Yfir 200 þúsund farþegar hjá Icelandair í júlí

Fundið fyrir áhuga á vetrarferðum

„Við höfum fundið fyrir miklum áhuga á vetrarferðum, hvort sem er í sólina eða skíðasvæðin. Því tókum við þá ákvörðun að auka tíðni bæði til Orlando og Tenerife og bæta Salzburg við í vetraráætlun. Nú stendur yfir vinna við að stilla vetraráætlun af og líklegt er að við munum sömuleiðis fækka flugferðum á einhverja áfangastaði,“ er haft eftir Boga Nils Bogasyni forstjóra Icelandair í tilkynningunni.

„Eins og við höfum áður lagt áherslu á er sveigjanleikinn mikill í leiðakerfinu okkar og við munum nýta hann til þess að stilla framboðið næstu mánuðina í takt við eftirspurn.“

• Blogga um frétt