Samdráttur landsframleiðslu í kórónukreppunni er sá annar mesti síðan samræmdar mælingar hófust árið 1945. Reyndist kreppan dýpri en þegar síldin fór árið 1968.

Þetta má lesa úr bráðabirgðatölum Hagstofunnar um hagvöxtinn.

Gunnar Axel Axelsson, deildarstjóri í þjóðhagsreikningum og opinberum fjármálum hjá Hagstofunni, segir það einkenna kórónukreppuna hversu snarpur samdrátturinn er frá upphafi faraldursins í mars í fyrra. Sömuleiðis hvað samdrátturinn gangi hratt til baka.

Niðursveifla án fordæma

„Áhrifin af svona heimsfaraldri eru um margt ólík því sem við eigum að venjast í hagsögunni þegar samdráttur verður af öðrum orsökum. Því eru ekki til tímabil sem eru sambærileg frá því að gerð þjóðhagsreikninga hófst í heiminum um miðja síðustu öld,“ segir Gunnar Axel.

Samkvæmt áætlun Hagstofunnar var 7,3% hagvöxtur á öðrum fjórðungi í ár. Sú áætlun vekur athygli en Seðlabankinn áætlar í nýjum Peningamálum að landsframleiðslan hafi þá aukist um 11% milli ára.

Má í þessu efni rifja upp að Ásgeir Jónsson seðlabankastjóri rökstuddi hækkun vaxta í síðustu viku meðal annars með því að kæla þyrfti hagkerfið.

Eins og rakið er í ViðskiptaMogganum var samdrátturinn mestur á öðrum og þriðja fjórðungi í fyrra en síðan hefur leiðin legið upp á við.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir