Tryggingafélagið TM hefur hafið sölu á netöryggistryggingum en þær eru hugsaðar til að lágmarka tap lítilla og meðalstórra fyrirtækja sem verða fyrir netárás.

Tölvuárásum bæði hér á landi og erlendis hefur fjölgað mikið undanfarin ár. Reglulega koma upp mál þar sem komist er inn í kerfi fyrirtækja og gögnum læst og farið fram á lausnargjald. Það átti sér meðal annars stað í tilfelli Geislatækni í síðasta mánuði.

Frétt af mbl.is

Fjárhagslegt tjón vel á annan tug milljóna

Þá voru einnig árásir gerðar á Arion banka, Íslandsbanka, Valitor og Saltpay í síðasta mánuði sem ollu truflunum á starfsemi og þjónustu fyrirtækjanna.

Frétt af mbl.is

Einnig ráðist á Íslandsbanka

Frétt af mbl.is

Valitor varð einnig fyrir netárás

Samkvæmt tilkynningu frá TM nær tryggingin til fimm bótasviða, en það eru netárás, gagnaleki, ábyrgð vegna gagnaleka, rekstrarstöðvun og auðkennisþjófnaður. Veitir tryggingin aðgang að þjónustuaðilum hér á landi sem eru sérfræðingar í netöryggi og bætir kostnað við að endurreisa tölvukerfi og tölvugögn í kjölfar árásar. Einnig bætir hún rekstarstöðvun og kostnað við það ef gögn leka og kostnað sem kann að hljótast í kjölfar auðkennisþjófnaðar.

Frétt af mbl.is

Sprenging í netárásum og aðferðirnar „þroskaðri“

Tengdar fréttir

Netárásir

Ísland meðal bestu ríkja á sviði netöryggis

• Vill að netöryggi fjölmiðla verði skoðað
• „Ákveðin tegund af hryðjuverkastarfsemi“
• Gætu þurft að líta á netárásir sem hernað
• Netglæpahópurinn með sterk tengsl við Rússland

» Fleiri tengdar fréttir

• Blogga um frétt