Eldsneytið ekki hærra frá 2018

Flugvélaeldsneyti (JET-1) hefur hækkað gríðarlega í verði á síðustu mánuðum og nemur hækkunin síðastliðinn mánuð 12,4%. Litið ár aftur í tímann nemur hækkunin hins vegar 121,1%. Hefur hin skarpa hækkun haft veruleg áhrif á afkomu margra flugfélaga sem enn eru í sárum eftir það bylmingshögg sem þau urðu fyrir vegna útbreiðslu kórónuveirunnar.

Í uppgjörskynningu Icelandair frá því í liðinni viku sagði að hærra eldsneytisverð væri farið að hafa áhrif á afkomu félagsins, enda væri það að meðaltali 60% hærra en á þriðja fjórðungi síðasta árs.

Birgir Jónsson, forstjóri Play, segir vissulega að eldsneytisverðið sem fyrirtækið greiði nú sé hærra en hann óskaði en það valdi honum þó ekki stórkostlegum áhyggjum. Umsvif fyrirtækisins séu ekki mikil og vélar félagsins auk þess sparneytnar.

Lestu meira um málið í ViðskiptaMogganum í dag.