Ikea ætlar að greiða 110 milljónir evra, eða um 16,5 milljarða króna, í bónusa til starfsmanna sinna víðs vegar um heiminn í þakklætisskyni fyrir vinnu þeirra í kórónuveirufaraldrinum.

Ingka Group, fyrirtækið sem starfrækir flestar verslanir Ikea, greindi frá þessu.

Fyrirtækið segir að faraldurinn hafi neytt það til að flytja stóran hluta viðskipta sinn á netið. Salan hélst engu að síður góð vegna þess að fjöldi fólks sem þurfti að vera heima hjá sér vegna veirunnar keypti húsgögn og annan búnað á netinu.

„Faraldurinn setti okkur í aðstöðu sem ég held að enginn okkar hafi verið verið búinn undir,“ sagði Ulrika Biesert, framkvæmdastjóri IKEA Retail.

„Við fórum frá því að vera fyrirtæki sem var mestmegnis utan netsins yfir í það að vera netfyrirtæki á tveimur vikum.“

Ingka Group sagði að bónusgreiðslurnar verði greiddar starfsmönnum í öllum deildum og fer upphæðin eftir launum þeirra. Greiðslunum verður bætt við árlega bónusa sem starfsmenn fá sem byggja á árlegu gengi fyrirtækisins.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt