Afkoma Play neikvæð um 1,4 milljarða króna
Oddur Þórðarson
Setja bókamerki
Flugfélagið Play tapaði 10,8 milljónum bandaríkjadollara á þriðja ársfjórðungi þessa árs, eða um 1.4 milljörðum króna.
Afkoma félagsins er þannig sögð undir væntingum fyrir umrætt tímabil, en fjórða bylgja kórónuveirunnar er sögð hafa sett strik í reikninginn.
Þóra Eggertsdóttir, fjármálastjóri Play, kynnti rekstrarafkomu félagsins á sérstökum fundi fyrir fjárfesta í Kaupmannahöfn nú síðdegis.
Í máli hennar kom fram að stærstu kostnaðarliðir félagsins væru starfsmannakostnaður (18,8%) og eldsneytiskostnaður (16,7%).
Neikvæð afkoma en horfur sagðar bjartar
Þrátt fyrir þetta er fjárhagsstaða félagsins sögð sterk og eru bjartir tímar sagðir framundan. Þannig segir Birgir Jónsson, forstjóri Play, að haldi fram sem horfi muni félagið ná að haga rekstri sínum þannig að hagnaður skapist á næstu árum.
Þannig er fyrirhugað að um 300 starfsmenn starfi hjá Play næsta sumar, en þeir eru alls um 130 í dag.
Auk þess muni vélarfloti félagsins stækka úr þremur vélum nú í allt að 15 vélar innan örfárra ára.
Sætanýting Play hefur aukist jafnt og þétt frá því að félagið hóf flugferðir í sumar. Í júlímánuði var sætanýting 41,7% en í september hafði hún aukist í 52,1%. Í október var sætanýting Play svo komin upp í 68%.
Upptökur með leynd færast í vöxt
Klúr skrif beindust einnig gegn börnum
Telur njósnirnar vega að lýðræðinu á Íslandi
„Mjög bagalegt“ að klára ekki málið
Neyðarástand kalli á tafarlaus viðbrögð
110 milljónir í stöðu prófessors
Spá illviðri víða um land á morgun
Hálfgerð martröð fyrir kosningastjóra