Félag atvinnurekenda kallar eftir því að íslensk stjórnvöld fari að ræða breytingu á sóttvarnaaðgerðum, annars vegar í ljósi þess að Ómíkron-afbrigði veirunnar virðist vægara og hins vegar vegna góðrar stöðu landsins hvað varðar bólusetningar.

Þetta kemur fram í færslu á facebooksíðu félagsins.

Frétt af mbl.is

836 smit innanlands – enn eitt metið

„Að óbreyttu stefnir í stórkostleg vandræði fyrir atvinnulífið með einangrun og sóttkví þúsunda manna,“ segir í færslunni. 

Þar er enn fremur bent á fregnir frá Bandaríkjunum þar sem ákveðið hefur verið að stytta einangrunartíma einkennalausra niður í fimm daga og að þeir sem þar þiggja örvunarskammt sleppi við sóttkví en þurfi aðeins að bera grímu þess í stað.

Frétt af mbl.is

Einangrunartími sýktra verði helmingaður

„Eins og áður segir stefnir í gífurleg vandræði hjá fjölda fyrirtækja vegna þess að starfsfólk er skikkað í einangrun og sóttkví. Stjórnvöld hljóta að þurfa að endurmeta stöðuna og skoða hvernig beita megi meðalhófi þannig að atvinnulífið lamist ekki að óþörfu vegna þeirrar smitbylgju sem nú rís.“

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt