Birta selur líka í Skeljungi

Birta lífeyrissjóður hefur minnkað hlut sinn í Skeljungi um rúmlega 2 prósentustig, en félagið var fyrir viðskiptin með 6,36% hlut í félaginu og fimmti stærsti hluthafinn. Kemur þetta í kjölfarið á því að tilkynnt var um að Gildi lífeyrissjóður hefði selt fyrir rúmlega 2 milljarða í félaginu fyrr í dag líka.

Frétt af mbl.is

Gildi selur stóran hluta í Skeljungi

Samtals seldi Birta um 33,9 milljón hluti eða fyrir tæplega hálfan milljarð króna. Eftir viðskiptin á Birta áfram 89,3 milljón hluti eða 4,61%.

Gildi seldi mun stærri hlut, eða 155 milljónir hluta og fór úr því að eiga 10,34% hlut niður í 2,68% hlut.

Bandaríski vogunarsjóðurinn Taconic Capital keypti í morgun stóran hluta bréfa, eða 97 milljónir hluta fyrir um 1,4 milljarð. Ekki hefur komið fram hver keypti þau bréf sem út af standa, en það eru tæplega 92 milljón bréf í félaginu.

• Blogga um frétt