Vinna tveimur klukkustundum skemur vikulega
Setja bókamerki
/frimg/9/77/977919.jpg)
Íslendingar vinna sífellt minna, miðað við niðurstöður vinnumarkaðsrannsóknar Hagstofu Íslands. Heildarvinnustundir á viku á síðasta ársfjórðungi 2021 voru færri en á sama ársfjórðungi 2020 og styttist vinnutími starfandi fólks um tæpar tvær klukkustundir á viku.
„Konur unnu að jafnaði 2,5 stundum skemur og karlar um 1,2 stundum skemur en á fjórða ársfjórðungi 2020,“ segir í niðurstöðum rannsóknarinnar.
Staða vinnuafls á íslenskum vinnumarkaði hafði batnað töluvert á síðasta ársfjórðungi síðasta árs, miðað við árið á undan.
„Það má til dæmis sjá á því að hlutfall starfandi hefur hækkað og atvinnuleysi minnkað en um leið sést enn töluverð fjarvera frá vinnu,“ segir í niðurstöðunum.
78,6% atvinnuþátttaka
Atvinnuþátttaka mældist 78,6% á fjórða ársfjórðungi síðasta árs en það er aukning um 2,5 prósentustig frá sama ársfjórðungi árið 2020.
„Fjöldi starfandi á fjórða ársfjórðungi 2021 var 200.500 manns og var hlutfall starfandi af mannfjölda 75,1%. Frá fjórða ársfjórðungi 2020 til fjórða ársfjórðungs 2021 fjölgaði starfandi fólki um 16.100 manns og hlutfall þess af mannfjölda hækkaði um 4,8 prósentustig. Hlutfall starfandi kvenna var 72,1 % og starfandi karla 77,9%. Starfandi konum fjölgaði um 7.200 og körlum um 8.900. Hlutfall starfandi fólks á höfuðborgarsvæðinu var 75,8% og utan höfuðborgarsvæðis 73,8%.
Til samanburðar voru 184.400 starfandi á fjórða ársfjórðungi 2020 og hlutfall af mannfjölda 70,3%. Hlutfall starfandi kvenna var þá 67,7% og starfandi karla 72,7%. Þá var hlutfall starfandi fólks á höfuðborgarsvæðinu 70,6% og 69,8% utan höfuðborgarsvæðisins.“
„Börn heima sem maður myndi vilja hafa í skjóli“
Þetta eru ráðherrar ríkisstjórnarinnar
Bjarni: „Útilokað að þetta geti gengið upp“
Samfylking og Viðreisn gáfu loforð
Alvarleg netárás á Wise
Forstjóri bendir á ábyrgð birgja vegna verðhækkana
Stormur á Þorláksmessu en víðast hvar stefnir í hvít jól
