Vaxtahækkanir haldi áfram
Setja bókamerki
Íslandsbanki gerir ráð fyrir því að vaxtahækkunarferli Seðlabankans haldi áfram á komandi misserum eftir því sem efnahagurinn braggast og áhrif kórónuveirufaraldursins dvína. Hjaðnandi verðbólga ætti aftur á móti að draga úr þörfinni fyrir hraða vaxtahækkun þegar frá líður.
„Við teljum að vextir verði hækkaðir um a.m.k. 0,25 prósentur á hverjum fjórðungi það sem eftir lifir árs. Samkvæmt því verða stýrivextirnir 3,5% í árslok. Verði verðbólgan enn þrálátari en við væntum gæti hækkunin orðið hraðari,“ segir í Korni Íslandsbanka.
Eftir það gerir bankinn ráð fyrir hægari hækkun vaxta og áætlar að vaxtahækkunarferlinu ljúki í 4,0% þegar frá líður, að því gefnu „að glíman við verðbólgudrauginn falli á endanum með Seðlabankanum“ og að verðbólgan komist í ásættanlegan takt.
„Allharður“ tónn nefndarinnar
Seðlabankinn hækkaði stýrivexti um 0,75 prósentur í morgun. Fram kom á fundi peningastefnunefndar að hún muni beita þeim tækjum sem hún hafi yfir að ráða til að tryggja að verðbólgan hjaðni aftur í markmið innan ásættanlegs tíma.
„Tónninn hjá peningastefnunefnd er því allharður líkt og verið hefur undanfarið,“ segir í Korninu.
Seðlabankinn spáir því að atvinnuleysi verði að meðaltali 4,9% á yfirstandandi ári samanborið við 5,1% í spá hans í nóvember. Íslandsbanki spáir því að atvinnuleysi muni hjaðna hraðar en spá Seðlabankans gerir ráð fyrir og gerir Íslandsbanki ráð fyrir því að atvinnuleysi verði á svipuðum stað þegar lengra líður á árið og fyrir faraldur.
Tilkynningar um tjón á fjórða hundrað
„Meiri ágreiningur en við áttum von á“
Ekkert breyst í samstarfinu nema fylgi flokkanna
Neyðarástand: Merki um landris og þúsundir flýja
Engar viðvaranir í kortunum næstu daga
„Ég veit hver aðkoma ráðuneytisins var“
/frimg/1/46/36/1463611.jpg)
„Það er búið að þvarga hérna fram og til baka“