Anna Fríða tekur við markaðsmálum Play

Anna Fríða Gísladóttir hefur verið ráðin forstöðumaður markaðsmála hjá flugfélaginu Play, en hún mun leiða markaðsstarf félagsins og fara fyrir áframhaldandi uppbyggingu á ásýnd félagsins.

Anna Fríða tekur við stöðu forstöðumanns markaðsmála af Steinari Þór Ólafssyni. Í tilkynningu frá félaginu er Steinari þakkað fyrir vel unnin störf hjá flugfélaginu og óskað velfarnaðar í komandi verkefnum. 

Anna Fríða er 31 árs og kemur til Play frá Bioeffect. Þar starfaði hún sem „Brand & Campaign Manager“ á alþjóðavísu ásamt því að sjá um markaðsmál fyrirtækisins á Íslandi. Þar áður var Anna Fríða markaðsstjóri Domino´s á Íslandi í 7 ár og sat í framkvæmdastjórn fyrirtækisins. Hún á einnig sæti í stjórn ÍMARK, samtökum markaðsfólks á Íslandi, og sér um vikulegan lið á samfélagsmiðlum ÍMARK þar sem farið er yfir fréttir vikunnar í heimi markaðsmála á Íslandi. 

• Blogga um frétt