Titringur á mörkuðum vestanhafs

Mikill titringur er á hlutabréfamörkuðum vestanhafs, þar sem spennan milli Rússlands og Úkraínu heldur áfram að magnast og líkur á innrás Rússa þykja sífellt meiri. Skot og sprengingar heyrðust í austurhluta Úkraínu í morgun. 

Frétt af mbl.is

Telja Rússa leita að átyllu til innrásar

Dow Jones og S&P500 vísitalan hafa lækkað um 1,2% og Nasdaq100 vísitalan hefur lækkað um 1,5% það sem af er degi.  

Frétt af mbl.is

Varar við yfirvofandi innrás Rússa

Vísitölurnar hækkuðu fyrr í vikunni eftir að Rússar tilkynntu það að þeir hyggðust draga herlið sitt frá landamærunum en samkvæmt skýrslum frá Bandaríkjunum reyndist það ekki rétt og markaðir lækkuðu í kjölfarið.

Fjárfestar hafa einnig áhyggjur af komandi vaxtahækkunum í Bandaríkjunum en verðbólga mældist í fyrsta skipti síðan á níunda áratugnum yfir 7%.

• Blogga um frétt