Evrópusambandið samþykkti í dag að bæta 160 rússneskum ólígörkum og þingmönnum á svartan refsiaðgerðalista sambandsins. Þá samþykkti Evrópusambandið sömuleiðis að beina spjótum sínum að rafmyntaeignum og rússneskum sjávarútvegi.
Refsiaðgerðirnar eru tilkomnar vegna innrásar rússneskra stjórnvalda í Úkraínu.
Einnig ákvað Evrópusambandið að skera á tengsl þriggja hvítrússneskra banka frá alþjóðlega SWIFT-greiðslukerfinu vegna stuðnings stjórnvalda í Hvíta-Rússlandi við árás Rússa.
Evrópusambandið vill með þessu loka fyrir glufur í áður óséðum refsiaðgerðapakka sem það hefur komið á gegn Rússlandi.