Árni áfram formaður Samtaka iðnaðarins

Ný stjórn Samtaka iðnaðarins var kjörin á aðalfundi samtakanna í morgun. Árni Sigurjónsson var kjörinn formaður áfram, en hann var einn í framboði. Kosningaþátttaka var 83,06%. Kosið var um sæti formanns og fimm almenn stjórnarsæti, en átta framboð voru til almennra stjórnarsæta.

Árni Sigurjónsson, Marel, var kosinn formaður með 98,03% greiddra atkvæða.

Þau sem hlutu flest atkvæði og setjast í stjórn Samtaka iðnaðarins til næstu tveggja ára eru:

• Arna Arnardóttir, gullsmiður
• Halldór Halldórsson, Íslenska kalkþörungafélagið
• Hjörtur Sigurðsson, VBS verkfræðistofa
• Jónína Guðmundsdóttir, Coripharma
• Vignir S. Halldórsson, húsasmíðameistari

Fyrir í stjórn Samtaka iðnaðarins eru:

• Ágúst Þór Pétursson, húsasmíðameistari
• Guðrún Halla Finnsdóttir, Norðurál
• Magnús Hilmar Helgason, Launafl
• Sigurður R. Ragnarsson, ÍAV

• Blogga um frétt