Takmark Seðlabanka Íslands til að ná verðbólgu í 2,5 prósent mun líklega krefjast frekari hækkunar á stýrivöxtum. Þetta kom fram á kynningarfundi sem sendinefnd Alþjóðagjaldeyrissjóðsins var með fyrir fjölmiðla í morgun.

Á kynningunni kom fram að í grunninn hefur Íslands staðið vel af sér þau efnahagslegu áföll sem landið hefur orðið fyrir síðan árið 2019 og efnahagshorfur í landinu eru jákvæðar, en háðar töluverðri óvissu.

Samsett mynd

AGS segir að í ljósi þess þarf árvekni og eru gagnadrifnar stýrivaxtaákvarðanir nauðsynlegar þar sem horft er til þróunar verðbólgu og verðbólguvæntinga, horfur um efnahagsbata, launa- og húsnæðisverðsþróunar, fjármagnsflæðis og innfluttrar verðbólgu.

Verg landsframleiðsla verður líklega um tveimur prósentustigum undir því sem hún var fyrir tíma heimsfaraldursins árið 2027. AGS reiknar með því að verðbólga minnki hægt og rólega og nái takmörkum Seðlabankans fyrir árið 2025, vegna hertra aðgerða peningastefnunefndar.

Fundur AGS í Seðlabanka Íslands í morgun. mbl.is/Árni Sæberg

Auka þarf framboð á húsnæði

Alþjóðagjaldeyrissjóðurinn segir að draga þurfi úr reglubyrði í byggingargeiranum og auka framboð á húsnæði til að auka hagkvæmni á húsnæðismarkaði. Til þess þarf að einfalda skipulagsreglur, gera ferla til að afla byggingarleyfa auðveldari og innleiða einn vettvang fyrir leyfi og úttektir.

Stuðningur hins opinbera í húsnæðismálum þarf að endurhanna. Markvissari stuðningur við fólk á leigumarkaði og áframhaldandi fjárfesting í félagslegu húsnæði ætti að stuðla að hagkvæmara leiguverði.

Frétt af mbl.is

Skuldsetning heimila muni aukast stórlega

Tengdar fréttir

Vextir á Íslandi

Spá 4,5% verðbólgu í nóvember

• Verkalýðshreyfingin pólitísk í eðli sínu
• Seðlabankinn með „fulla innistæðu“ fyrir vaxtalækkun
• Óvissa um útfærslu mjög óheppileg
• Ánægjulegt að ávinningur birtist í lægri verðbólgu

» Fleiri tengdar fréttir

• Blogga um frétt