Örfá ár í 6G tækni

Benedikt Ragnarsson, framkvæmdastjóri fjarskipta hjá Nova, segir að aðeins örfá ár séu í það að 6G tæknin ryðji sér til rúms hér á landi. Með hverri byltingu sem verður í fjarskiptamálum margfaldast möguleikar á flutningi fjarskiptafélaga á gagnamagni og um leið batnar notendaupplifun viðskiptavina.

Nova var fyrsta símafyrirtækið á Íslandi til að bjóða 4G þjónustu í apríl 2013 en innleiðing á 5G þjónustu stendur enn yfir. Tæknin þróast þó hratt og sem fyrr segir má gera ráð fyrir að stutt sé í 6G tækni.

Nokkur ár eru liðin frá því að fjarskiptafyrirtæki hættu að innheimta gjald fyrir það að hringja úr símum. Tekjumódel þeirra hefur þess í stað breyst þannig að þau rukka nú fyrir flutning á gagnamagni og gagnanotkun, hvort sem það er heima fyrir eða í farsímum. Sífellt fleiri tæki tengjast nú netinu en áður, svo sem úr, spjaldtölvur og önnur heimilistæki. Því munu fjarskiptafyrirtæki þurfa nokkra burði til að bjóða það gagnamagn sem fólk þarf á að halda.

Lesa má nánar um málið í Morgunblaðinu í dag.