Sér mikil tækifæri á norðurslóðum
Setja bókamerki
Benedikt Gíslason, bankastjóri Arion banka, segist sjá mikil tækifæri á norðurslóðum og það hafi komið honum á óvart hve gríðarlega ríkt svæðið er af auðlindum.
Þetta sagði hann í erindi sínu á fundi Viðskiptaráðs í morgun um samkeppnishæfni Íslands.
„Ég held að Trump hafi verið að grínast þegar hann sagðist vilja kaupa Grænland en staðreyndin er sú að á Grænlandi eru einhverjar auðugustu námur og málmar að finna sem ekki hafa verið unnir hingað til.
Sérstaklega á þetta við um sjaldgæfa málma, þriðjungur allra slíka málma er að finna í Grænlandi,“ segir Benedikt og bætir því við að framleiðsla á slíkum málmum sé mikilvæg fyrir varnarmál Vesturríkja þar sem Kínverjar framleiða um 90% allra sjaldgæfra málma.
„Þessa málma þarf að nota í orkuskiptin, þessa málma þarf líka að nota í til að mynda orrustuflugvélar Bandaríkjamanna, þar eru 700 kíló af svona málmum í einni slíkri vél.“
Hann telur að á næstu áratugum verði ofsaleg uppbygging á námuvinnslu á Grænlandi.
„Það er mikið hagsmuna mál fyrir vestrænar þjóðir að það fari fram á þeirra forsendum og með þeirra þátttöku.“
Unnu eftir kröfugerð sem lögð var fram í upphafi
110 milljónir í stöðu prófessors
Frestar skerðingum fyrir norðan og austan
Mjög dýrt að tryggja landamærin
Par flutt á bráðamóttöku eftir árás
Óvissustig á mörgum vegum
