Seðlabanka­stjóri tel­ur ekki víst að ferðaþjón­ust­an muni sækja mikið af auknu láns­fé á kom­andi árum til frek­ari upp­bygg­ing­ar. Í viðtali í Dag­mál­um í dag seg­ir hann mögu­legt að aft­ur geti komið bak­slag í grein­inni.

„Það get­ur komið bak­slag í þetta aft­ur. Það er ekki ólík­legt að banda­ríski seðlabank­inn verði að þrýsta hag­kerf­inu í hálf­gerða niður­sveiflu til að ná tök­um á verðbólg­unni. Þá minnk­ar ferðavilj­inn.“

Frétt af mbl.is

Verðlag enn á upp­leið

Náði vopn­um sín­um furðufljótt

Hann seg­ir að eigið fé grein­ar­inn­ar hafi þurrk­ast upp í far­aldr­in­um og það hafi gerst eft­ir mikið fjár­fest­ing­ar­skeið.

„Það var lagt í mikl­ar fjár­fest­ing­ar, t.d. í hót­el­um og eins og ég skil stemn­ing­una þá verður ekki endi­lega meira byggt, þ.e. að grein­in muni ekki taka endi­lega til sín meira láns­fé [...] síðustu tvö ár voru erfið fyr­ir ferðaþjón­ustuaðila. Allt eigið fé þurrkaðist upp og það tek­ur tíma fyr­ir þá að vinna það upp. Mögu­lega þarf nýtt eigið fé.“

Hann bend­ir þó á að ferðaþjón­ust­an hafi náð vopn­um sín­um furðufljótt eft­ir að allt lamaðist í kór­ónu­veirufar­aldr­in­um.

„Núna í maí, með komu er­lendra ferðamanna þá erum við kom­in í 90% af því sem var 2019. Það var að vísu eft­ir fall WOW en um 70% af því sem var fyr­ir fall WOW. Ferðaþjón­ust­an er því að koma ótrú­lega hratt til baka. Ísland er nokk­urn veg­inn upp­selt, eða það er það sem maður heyr­ir. Það er ekki séns að fá bíla­leigu­bíl og hót­el­her­bergi eru uppseld. Þetta er að koma til okk­ar.“

Viðtalið við Ásgeir er hægt að nálg­ast í heild sinni hér:

Verðbólg­an verður keyrð niður sama hvað

Tengd­ar frétt­ir

Dag­mál

Fyr­ir­gef­ur svik­in en gleym­ir ekki

• Ætluðu að fella ís­lensk stjórn­völd með Wintris
• Sig­mund­ur Davíð fagn­ar hálfri öld
• „Maður ræður ekki við sárs­aukaviðbrögðin“
• „Þú get­ur verið í húrr­andi bata en ennþá að nota vímu­efnið þitt“

» Fleiri tengd­ar frétt­ir

• Blogga um frétt