Stærsti leikfangaframleiðandi heims, Lego frá Danmörku, hefur ákveðið að hætta allri starfsemi í Rússlandi. Þar með missir fjöldi starfsfólks vinnuna sína, auk þess sem samstarf Lego við fyrirtæki sem starfrækir 81 verslun í Rússlandi er á enda runnið.

Talsmaður Lego sagði fyrirtækið hafa ákveðið að „hætta starfsemi í Rússlandi um óákveðinn tíma vegna tíðra og mikilla truflana í kringum starfsemina".

Þar með verður flestum sem starfa fyrir fyrirtækið í Moskvu sagt upp og samstarf hættir við fyrirtækið Inventive Retail Group „sem starfrækir 81 verslun fyrir hönd fyrirtækisins", bætti talsmaðurinn við.

Lego bætist þar með í hóp fjölda vestrænna fyrirtækja sem hafa sagt skilið við Rússland í kjölfar innrásar þeirra í Úkraínu.

Tengdar fréttir

Úkraína

Fjórir féllu í árás Rússa á Kænugarð

• Rússar sagðir hafa ætlað að ráðast á flugfélög
• Umfangsmesta loftárás Úkraínumanna til þessa
• Vill senda úkraínska slökkviliðsmenn til LA
• Vill úkraínska fanga í skiptum fyrir norðurkóreska

» Fleiri tengdar fréttir

• Blogga um frétt