Verðbólga í Bandaríkjunum fór upp í 9,1 prósent í júní með tilheyrandi afleiðingum fyrir buddu bandarískra fjölskyldna og auknum þrýstingi á Joe Biden Bandaríkjaforseta sem nýtur aukinna óvinsælda vegna verðhækkana í landinu.

Tölur stjórnvalda sýna snarpa hækkun á vísitölu neysluverðs miðað við mánuðinn á undan og var hækkunin meiri en spáð hafði verið. Helsta ástæðan var umtalsverð hækkun bensínverðs.

Joe Biden í Ísrael í morgun. AFP/Gil Cohen-Magen

Aukning verðbólgunnar upp í samanlagt 9,1 prósent á síðustu 12 mánuðum hefur ekki verið hraðari í landinu síðan í nóvember 1981.

Biden sagði að verðbólgan væri „óásættanlega há" en bætti við að tölurnar væru orðnar úreltar því þær endurspegluðu ekki þá lækkun sem hafi orðið á orkuverði síðan um miðjan júní.

Tengdar fréttir

Úkraína

Fjórir féllu í árás Rússa á Kænugarð

• Rússar sagðir hafa ætlað að ráðast á flugfélög
• Umfangsmesta loftárás Úkraínumanna til þessa
• Vill senda úkraínska slökkviliðsmenn til LA
• Vill úkraínska fanga í skiptum fyrir norðurkóreska

» Fleiri tengdar fréttir

• Blogga um frétt