Burðarvirki austurálmu rís

Uppsetning á burðarvirki nýrrar austurálmu Keflavíkurflugvallar er hafin. Austurálman er kjallari og þrjár hæðir, alls 22 þúsund fermetrar, en hér fyrir ofan má sjá teikningar af byggingunni sem er að rísa.

Ístak átti hagstæðasta tilboð í burðarvirki og veðurkápu hússins, tæpa 4,5 milljarða króna. Heildarkostnaður við austurálmu er áætlaður 21 milljarður, þar af er framkvæmdakostnaður 18 milljarðar.

Guðmundur Daði Rúnarsson, framkvæmdastjóri viðskipta og þróunar hjá Isavia, segir fyrsta hluta verkefnisins fela í sér stækkun á komusal flugvallarins þar sem farangursböndum verður fjölgað úr þremur í fjögur, auk þess sem nýju böndin muni hafa meiri afkastagetu á hvern lengdarmetra en þau gömlu. Þá stækki afgreiðslusvæði fyrir komufarangur töluvert og aðstaða komufarþega batni því til muna. Ef áætlanir gangi eftir verði fyrsti áfangi tekin í notkun seinni hluta næsta árs með nýjum komusal.

Lestu ítarlegri umfjöllun í ViðskiptaMogganum.