Endurráða 450 flugmenn

Staðfest samkomulag á milli skandinavíska flugfélagsins SAS og verkalýðsfélaga náðist í nótt. Með samkomulaginu er endi bundinn á rúmlega tveggja vikna verkfall sem kostaði flugfélagið það sem nemur á bilinu 1,2 til 1,6 milljarða íslenskra króna á degi hverjum. M.a. var samið um að SAS muni endurráða 450 flugmenn. 

Frétt af mbl.is

Ekki víst hvort samkomulag hafi náðst

„Loksins getum við snúið til venjulegra starfshátta og flogið viðskiptavinum okkar á sumaráfangastaði sem þeim hefur þyrst í að komast til. Mér finnst ofboðslega leiðinlegt að svo margir farþegar hafi orðið fyrir áhrifum af verkfallinu,“ sagði Anko van der Werff, framkvæmdastjóri SAS, í yfirlýsingu. 

Frétt af mbl.is

Verkfallið kostar SAS meira en milljarð dag hvern

Samkomulagið er gert til fimm og hálfs árs. 

Verkfallið hófst 4. júlí síðastliðinn þegar næstum því 1.000 flugmenn lögðu niður störf eftir að viðræður runnu út í sandinn. Þeir mótmæltu lækkun launa og því að fjöldi flugmanna hafi ekki hlotið endurráðningu í kjölfar uppsagna í kórónuveirufaraldrinum.

• Blogga um frétt