Sölutími fasteigna á höfuðborgarsvæðinu lengdist á milli maí og apríl á þessu ári, að því er athuganir Húsnæðis- og mannvirkjastofnunar benda til. Tekið var tillit til áhrifaþátta, svo sem þegar fasteignir eru birtar oftar en einu sinni á vefnum.
Þetta kemur fram í Morgunblaðinu í dag, þriðjudag.
Að meðaltali liðu 36,3 dagar frá því fasteign var auglýst og þar til kaupsamningur var undirritaður í aprílmánuði þessa árs. Í maímánuði var meðaltalið orðið 45,9 dagar. Í júnímánuði styttist sölutíminn niður í 42 daga.
Þetta gætu verið vísbendingar um kólnun á fasteignamarkaðnum, þótt erfitt sé að fullyrða um slíkt, að sögn Karlottu Halldórsdóttur, samskiptastjóra Húsnæðis- og mannvirkjastofnunar, enda sveiflist tölurnar á milli mánaða.
Meira í Morgunblaðinu í dag.