Íhuga að hætta við kaupin á Mílu
Setja bókamerki
Franska fjárfestingafélagið Ardian íhugar það nú alvarlega að hætta við kaupin á Mílu, dótturfélagi Símans. Samkvæmt heimildum ViðskiptaMoggans liggur fyrir að Samkeppniseftirlitið (SKE) mun að öllu óbreyttu ekki heimila söluna með þeim fyrirvörum sem lagt hefur verið upp með.
Á móti kemur að Síminn, sem hefur nú þegar lækkað verðmiðann á Mílu um fimm milljarða króna vegna athugasemda Samkeppniseftirlitsins, hefur ekki áhuga á því að lækka verðmiðann enn frekar – og á sama tíma telja forsvarsmenn Ardians ólíklegt að ásættanlegir samningar náist við SKE um frekari útfærslur kaupsamningsins.
Samkeppniseftirlitið gerði athugasemd við söluna á Mílu í byrjun júlí. Ardian óskaði í kjölfarið eftir sáttaviðræðum og skilaði greinargerð um málið 15. júlí sl. Fyrsti efnislegi fundurinn á milli eftirlitsins og Ardians fór þó ekki fram fyrr en í gær, 9. ágúst.
Samningur á milli Símans og Ardians var undirritaður í október í fyrra og hefur málið því tekið tíu mánuði.
Nánar er fjallað um málið í ViðskiptaMogganum í dag.
Kjör kennara hafi vaxið langt umfram almennan markað
„Áhugavert að sjá skjálfta þarna“
Konur og börn „næstum 70%“ látinna á Gasa
Fordæma árásir á ísraelska áhangendur
Ekkert ferðaveður á Vestfjörðum og á Norðurlandi
Einn á slysadeild eftir hópslagsmál
Óformlegt eftirlit vegna hryðjuverka