Töluvert hefur verið rætt um framtíð Sýnar að undanförnu, eftir að Gavia Invest, nýstofnað fjárfestingafélag, eignaðist fyrir stuttu um 20% hlut í Sýn. Sýn á Stöð 2 og Vodafone.

Raddir um að það eigi að skipta upp fyrirtækinu, leggja niður fréttastofu fyrirtækisins og að það sé búið að ráða nýjan forstjóra, hafa bergmálað í fundarherbergjum undanfarið, samkvæmt heimildum Morgunblaðsins.

Reynir Finndal Grétarsson, stofnandi Creditinfo og meirihlutaeigandi í Gavia Invest, segir í samtali við Morgunblaðið að fólk geti andað léttar. Ekki sé búið að taka neinar ákvarðanir um framtíð Sýnar.

Ætla ekki að skemma verðmæti

„Fólk er hrætt um að við ætlum að taka völdin og slíta þetta í sundur með illu. Þetta er ekkert svoleiðis, við ætlum okkur ekki að skemma verðmæti sem eru til staðar,“ segir hann.

„Þetta er ekki óvinveitt yfirtaka eða nein læti að fara í gang. Þetta er flott og spennandi fyrirtæki. Við vildum taka góðan hlut og koma inn í þetta. Auðvitað ætlum við að hafa áhrif og við teljum að við getum komið með eitthvað að borðinu.“

Reynir og Jón Skaftason hafa boðið sig fram í stjórnarkjör Sýnar sem fer fram á hluthafafundi félagsins í lok mánaðar.

Nánar má lesa um málið í Morgunblaðinu, í dag.

Tengdar fréttir

Sýn

Jón Skaftason hættir í stjórn Sýnar

• Reynir ekki aftur við stjórnarsæti í Sýn - Þrjár konur í framboði
• Dregur framboð sitt til baka vegna afarkosta OR
• Segir ekki deilt um umboð stjórnar
• Stjórn Sýnar ekki í takt við hluthafana

» Fleiri tengdar fréttir