Aðgangur að milljón titlum

Fylgifiskur þess að skólarnir byrja á haustin eru kaup á námsbókum. Heimkaup býður rafrænar bækur sem bæði er hægt að kaupa og leigja.

Sigurður Pálsson, verkefnastjóri rafrænna kennslubóka hjá Heimkaupum, segir í samtali við ViðskiptaMoggann að sala skólabóka fari vel af stað hjá netversluninni. Hver menntastofnunin á fætur annarri sé að hefja starfsemi og nemendur séu byrjaðir að sanka að sér nauðsynlegum námsgögnum.

Sigurður segir að með því að nýta rafrænar bækur geti námsmenn sparað sér á bilinu 20-60% í útgjöldum yfir hverja önn.

Heimkaup hefur aðgang að tæplega einni milljón titla hjá tuttugu forlögum víðs vegar um heiminn en sjö þúsund rafrænar námsbækur eru í boði hjá versluninni fyrir íslenska markaðinn.

Sigurður Pálsson verkefnastjóri hjá Heimkaupum.

Aðspurður segir Sigurður að Heimkaup selji rafbækur til allra íslensku háskólanna.

„Heimkaup leggur upp með að bjóða rafrænar útgáfur allra námsbóka sem nemendur þurfa á að halda,“ segir Sigurður.

Lestu ítarlegri umfjöllun í ViðskiptaMogganum í dag.