Hraðlestinni á Lækjargötu verður lokað

Á fimmtudaginn mun Hraðlestinni á Lækjargötu vera lokað. Veitingastaðurinn var opnaður árið 2012 eftir umfangsmiklar endurbætur á húsnæðinu. Þetta kemur fram í tilkynningu frá Hraðlestinni í dag.

Þar kemur fram að kröfur viðskiptavina Hraðlestarinnar hafi þróast á þessum árum og að „Hraðlestarfjölskyldan“ hafi breyst.

Hraðlestin á Hverfisgötu mun þó halda áfram rekstri sínum. 

„Kærar þakkir fyrir árin tíu. Við kveðjum Lækjargötuna með tár í auga en bros á vör og hlökkum til að sjá á hvaða áfangastað Hraðlestin lendir næst,“ segir í tilkynningunni.