Konráð S. Guðjónsson hefur verið ráðinn tímabundið sem efnahagsráðgjafi Samtaka atvinnulífsins (SA) í aðdraganda komandi kjarsamningsgerðar.

Mun hann jafnframt taka sæti í samninganefnd SA.

Í tilkynningu frá samtökunum segir að Konráð taki til starfa 1. september. Hann sinnir í dag starfi aðalhagfræðings Stefnis hf. og mun snúa aftur þangað að loknum störfum sínum fyrir SA.

Var hjá Viðskiptaráði

Áður starfaði Konráð sem hagfræðingur og aðstoðarframkvæmdastjóri Viðskiptaráðs Íslands. Þá starfaði hann í greiningardeild Arion banka, hjá Hagfræðistofnun og við þróunarsamvinnu í Úganda og Tansaníu.

Hann hefur einnig sinnt kennslu við Háskóla Íslands og Endurmenntun Háskóla Íslands. Konráð er með meistaragráðu í hagfræði frá Warwick-háskóla í Bretlandi og B.Sc. gráðu í hagfræði frá Háskóla Íslands.

Haft er eftir Halldóri Benjamín Þorbergssyni, framkvæmdastjóra SA, að mikill styrkur sé fólginn í því að fá Konráð til liðs við samtökin enda sé umfangsmikið verkefni fram undan.

„Við væntum mikils af honum og þekkjum vel til hans starfa í gegnum tíðina.“

Tengdar fréttir

Kjaraviðræður

Fundi frestað: Kennarar vilja breyta tillögunni

• Fjölmiðlafólk rekið út
• Funda í Karphúsinu
• Samþykkja innanhússtillöguna
• Máli foreldra gegn kennurum vísað frá

» Fleiri tengdar fréttir

• Blogga um frétt