Edward Christian látinn

Edward Christian, fyrrverandi forstjóri og stofnandi Saga Communuications, lést þann 19. ágúst síðastliðinn eftir bráð veikindi. 

Christian hafði forgöngu um kaup Saga Communications í Fínum miðli ehf. árið 1998, sem á og rak fimm útvarpsstöðvar hér á landi.

Útvarp FM hf., sem var í eigu feðganna Árna Samú­els­son­ar og Björns Árna­son­ar, keypti þá 50% eign­ar­hlut Al­f­vak­ans hf. í Fín­um miðli og fram­seldi hlut­ann sam­stund­is til Saga Comm­unicati­ons. 

Christian stofnaði Saga Communications árið 1986 og á félagið í dag 79 FM-útvarpsstöðvar, 35 AM-útvarpsstöðvar og 80 endurvarpsstöðvar á 27 markaðssvæðum. Undir stjórn Christian var félagið skráð á opinberan hlutabréfamarkað, árið 1992.

• Blogga um frétt