Velta í einkennandi greinum ferðaþjónustu nam 139 milljörðum króna frá maí til júní á þessu ári og er hún því á svipuðum slóðum og á árunum fyrir kórónuveirufaraldurinn.

Samkvæmt virðisaukaskattskýrslum var velta í greininni 19% hærri í maí-júní í ár en á sama tímabili 2019. Hafa ber í huga að þessar tölur eru á verðlagi hvers árs og hefur vísitala neysluverðs hækkað um 16% á milli þessara tímabila, að því er segir í tilkynningu frá Hagstofu Íslands.

Mikill munur er á einstökum greinum ferðaþjónustu. Velta í veitingasölu og -þjónustu jókst um 33% á meðan velta í farþegaflutningum með flugi jókst um 7%.

Velta í olíuverslun tvöfaldaðist á milli ára enda hefur eldsneytisverð hækkað tölvert og trúlegt að sala hafi aukist vegna fleiri ferðamanna og aukningar á millilandaflugi. Eldsneytisliður vísitölu neysluverðs hækkaði um 37% á milli maí-júní 2021 og sömu mánaða 2022.

Þá jókst velta einnig mikið í framleiðslu málma og í sölu og viðhaldi vélknúinna ökutækja.

Tengdar fréttir

Ferðamenn á Íslandi

TikTok: Lundinn vakti lukku hjá Kristinu og Kyle

• Hótel Varmaland hlýtur gæða- og umhverfisvottun
• Færri Íslendingar fara út í ár
• Euro News mælir með „öðruvísi“ áramótum á Íslandi
• Fara út kokhraustir en snúa svo við

» Fleiri tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt