Leggur áherslu á að menn taki höndum saman

„Ég held að aðgerðir Seðlabankans séu að skila árangri en ég vara við því að hann sé einn skilinn eftir með verkefnið, “ segir Bjarni Benediktsson fjármálaráðherra, inntur eftir viðbrögðum við fréttum gærdagsins af minnkandi verðbólgu. 

Frétt af mbl.is

Verðbólga lækkar í 9,7 prósent

Bjarni bendir á að þegar Seðlabankinn sé einn skilinn eftir með hagstjórnarhlutverkið, að halda aftur af verðbólgunni, gangi yfirleitt treglega að halda aftur af henni.

„Það sem ég hef lagt áherslu á er að menn taki höndum saman og styðji Seðlabankann í þessu hlutverki. Þess vegna jukum við aðhaldið í opinberu fjármálunum og drógum úr útgjaldaáformum á næsta ári í undirbúningi fjárlaga.“

Þá segist Bjarni vona að viðleitni annarra í hagkerfinu, til að halda að sér höndum þegar kemur að verðhækkunum, hafi skilað einhverju. „Þó það hafi kannski ekki alltaf verið mögulegt.“

• 1 blogg um fréttina

Bloggað um fréttina

• Þorsteinn H. Gunnarsson: Er ekki bara að taka kokkinn á þetta?