39,1 milljarða halli á viðskiptajöfnuði á öðrum ársfjórðungi

Halli varð á viðskiptajöfnuði við útlönd á öðrum ársfjórðungi í ár upp á 39,1 milljarð. Er þetta 5,9 milljarða betri niðurstaða en á fyrsta ársfjórðungi, en 6,4 milljarða lakari niðurstaða en á sama fjórðungi í fyrra. Þetta kemur fram í nýjum tölum Seðlabankans.

Þá varð halli á vöruskiptajöfnuði upp á 40,2 milljarða, en afgangur upp á 33,3 milljarða á þjónustujöfnuði. Halli á frumþáttatekjum var 22,3 milljarðar og 9,8 milljarðar á rekstrarframlögum.

Í lok ársfjórðungsins var hrein staða við útlönd jákvæð um 863 milljónir, eða sem nemur 24,7% af vergri landsframleiðslu. Versnaði staðan um 200 milljarða, eða 5,7% af vergri landsframleiðslu á fjórðungnum.

Í lok fjórðungsins voru erlendar eignir þjóðarbúsins um 4.600 milljarðar, en skuldir 3.737 milljarðar.

• Blogga um frétt