Skýrsla Rík­is­end­ur­skoðunar um sölu rík­is­ins á 22,5% hlut í Íslands­banka, sem fram fór í mars, var væntanleg um mánaðamótin síðustu en nú er ljóst að útgáfa hennar mun tefjast enn frekar.

„Ég hafði gefið út strax í upphafi að við myndum reyna að klára skýrsluna fyrir ákveðin tímamörk, en það kom fljótlega í ljós að þetta væri umfangsmeiri vinna en við höfðum gert okkur grein fyrir,“ segir Guðmundur Helgason, ríkisendurskoðandi, í samtali við mbl.is

Frétt af mbl.is

Skýrslan kemur um mánaðamótin

Guðmundur segir að stjórnsýsluúttektir taki sinn tíma og það þurfi að vanda til verka, en tekur jafnframt fram að skýrslan sé á lokametrunum.

Á leið í umsagnarferli

„Það hefur gengið ágætlega í sumar en við reiknum með að klára þetta í þessum mánuði. Það styttist í að skýrslan fari í umsagnaferli.

Ég get ekki sagt til um hvað tekur langan tíma að vinna úr slíku en við klárum þetta núna í september,“ bætir Guðmundur við.

Spurður hvenær skýrslan verður gerð opinber segir Guðmundur að hún verður birt á heimasíðu Ríkisendurskoðunar um leið og stjórnskipunar- og eftirlitsnefnd hefur fengið kynningu á skýrslunni.

Tengdar fréttir

Sala á hlut ríkisins í Íslandsbanka

Selja Íslandsbanka og gefa almenningi forgang

• Stefnt að afgreiðslu Íslandsbankasölu á vorþingi
• Íslandsbanki verði seldur á árinu
• Ekki eins og jólasveinn á hreindýrssleða
• Fresta sölunni á Íslandsbanka

» Fleiri tengdar fréttir

• Blogga um frétt