Ásta S. Fjeldsted nýr forstjóri Festar
Setja bókamerki
Ásta Sigríður Fjeldsted hefur verið ráðin forstjóri Festar, en hún hefur frá því í október 2020 starfað sem framkvæmdastjóri Krónunnar (dótturfélags Festar).
Ásta tekur við starfinu frá og með deginum í dag, en Magnús Kr. Ingason, framkvæmdastjóri fjármálasviðs Festar, hefur tímabundið gegnt stöðu forstjóra frá því í júlí. Sem kunngt er var Eggert Þór Kristóferssyni vikið úr starfi forstjóra í byrjun júní sl. og lét han af störfum um miðjan júlí.
Áður en hún tók við starfi framkvæmdastjóra Krónunnar hafði verið framkvæmdastjóri Viðskiptaráðs um þriggja ára skeið. Þar áður starfaði hún hjá McKinsey & Co frá árinu 2012, á skrifstofum félagsins í Kaupmannahöfn og í Tokýó. Áður starfaði hún hjá IBM í Danmörku. Hún er vélarverkfræðingur að mennt með M.Sc. gráðu frá DTU tækniháskólanum í Danmörku.
Ásta Sigríður fjárfesti í hlutabréfum í Festi fyrir tæpar 20 milljónir króna í síðustu viku í gegnum nýstofnað fjárfestingafélag sitt. Hún mun samhliða gegna starfi framkvæmdastjóra Krónunnar þangað til nýr framkvæmdastjóri verður ráðinn.
Skoða verkfallsbrot í Snæfellsbæ
Mikill vatnselgur og verður út vikuna
Samþykkt að fjölga lögreglumönnum
Reikna með sýnatökum og rakningu eftir þorrablótin
„Pólitískur hráskinnaleikur“ kom í veg fyrir samning
Höfða mál gegn Kennarasambandinu
Fimm Íslendingar á brottvísunarlista