Breytt yfirbragð Ormsson skilar sínu

Kjartan Örn Sigurðsson forstjóri Ormsson, sem nú fagnar 100 ára afmæli, segir að vel hafi tekist til við að breyta yfirbragði fyrirtækisins. Lagt var af stað í fyrstu markaðsherferð eftir eigendaskipti á úrslitakvöldi Evróvisjón í maí sl.

„Við erum nú með djúpan og fallegan blágrænan lit í okkar markaðsefni. Við skerum okkur úr. Okkur finnst hafa tekist mjög vel til. Við leggjum áherslu á þjónustu, upplifun og gæði og sjáum á viðbrögðum fólks og sölutölum að þessi breyting virkar,“ segir Kjartan í samtali við ViðskiptaMoggann í dag.