Þórarinn færir sig til Lindar

Fasteignasalinn Þórarinn M. Friðgeirsson hefur fært sig frá Eignamiðlun yfir til Lindar.

Þórarinn er með yfir 33 ára reynslu af fasteignasölu en hann hóf störf hjá Gimli fasteignasölu í nóvember 1989, starfaði þar til 1995 og færði sig þá til Valhallar fasteignasölu hvar hann starfaði til ársins 2009. Eftir það réð hann sig til Eignamiðlunar og hefur starfað þar sl. 13 ár, og í rúm fimm ár sem sölustjóri.

Hann útskrifaðist sem löggiltur fasteignasali árið 2003 og hefur síðan tekið fjölmörg námskeið tengd greininni og það síðasta var í sölustjórnun hjá Akademias 2021.