Viðskipti | ViðskiptaMogginn | 12.10.2022 | 10:46 | Uppfært 15:54

Risavaxna olnbogabarnið til sölu

Marel er risafyrirtæki á alla íslenska mælikvarða. mbl.is/Kristinn Magnússon

Áhrif eignarhlutar Landsbankans í Eyri Invest á afkomu bankans hafa verið talsverð á undanförnum árum. Verðmæti hlutarins hafði nokkur áhrif til hækkunar á liðnum árum en samkvæmt heimildum ViðskiptaMoggans er áætlað að hluturinn hafi haft áhrif til 4,8 milljarða króna lækkunar á fyrri helmingi þessa árs.

Til upprifjunar á Landsbankinn nú 14,1% hlut í Eyri Invest, einu stærsta fjárfestingafélagi landsins, og þar með um 3,5% óbeinan hlut í Marel. Landsbankinn eignaðist nokkru stærri hlut í Eyri eftir að bankinn var endurreistur á grunni gamla Landsbankans eftir fjármálakrísuna haustið 2008. Hluturinn var um tíma færður yfir í fjárfestingafélagið Horn, en Landsbankinn keypti hlutinn aftur á nafnverði síðla hausts 2011.

Landsbankinn seldi 9,2% hlut í félaginu í opnu söluferli í nóvember 2018 fyrir tæpa fjóra milljarða króna. Kaupandinn var Eyrir Invest sem keypti þar með hlut í sjálfum sér. Í svari Landsbankans við fyrirspurn ViðskiptaMoggans kemur fram að þrátt fyrir að ekki hafi verið farið í formlegt söluferli sé hluturinn þó til sölu. Hluturinn er þó ekki auðseljanlegur. og segja má að Eyrir Invest sé orðið að nokkurs konar olnbogabarni í rekstri Landsbankans.

Nánar er fjallað um málið í ViðskiptaMogganum í dag.