Önnur jákvæð afkomuviðvörun frá Eimskip

Áætlað er að EBITDA hagnaður Eimskips á þriðja ársfjórðungi þessa árs verði á bilinu 48,6 – 50,1 milljónir evra, samanborið við 36,8 milljónir evra á sama ársfjórðungi 2022.

Þetta kemur fram í afkomuviðvörun sem Eimskip sendi á Kauphöll fyrr í kvöld, en samkvæmt stjórnendauppgjöri fyrir tímabilið sem nú liggur fyrir lítur út fyrir að EBITDA á þriðja ársfjórðungi verði umtalsvert hærri en á sama ársfjórðungi í fyrra.

Hagnaðurinn er á bilinu 6,8 – 7 milljarðar króna á núverandi gengi. Þá er áætlað er að EBIT fjórðungsins verði á bilinu 32,8 – 34,3 milljónir evra (um 4,6 – 4,8 milljarðar króna) samanborið við 23,8 milljónir evra á þriðja ársfjórðungi í fyrra.

Frétt af mbl.is

Eimskip sendir frá sér jákvæða afkomuviðvörun

Helstu ástæður fyrir auknum hagnaði er samkvæmt tilkynningunni góð afkoma af erlendri starfsemi félagsins og góð nýting í siglingakerfi sem skýrist af mjög sterkum flutningum yfir hafið, áframhaldandi góðum innflutningi til Íslands, auk þess sem útflutningur frá Íslandi tók við sér á seinni hluta fjórðungsins eins og væntingar stóðu til.

Eimskip vinnur enn að uppgjöri fyrir þriðja ársfjórðung en uppgjörið verður birt eftir lokun markaða fimmtudaginn 3. nóvember 2022.

• Blogga um frétt