Hreggviður nýr framkvæmdastjóri The Engine

Hreggviður Steinar Magnússon hef­ur verið ráðinn framkvæmdastjóri The Engine, dótturfélags Pipar\TBWA, sem meðal annars sérhæfir sig í rekstri stafrænna auglýsinga á Google, Meta, Snapchat, TikTok, LinkedIn.

Hreggviður hef­ur frá því í októ­ber 2018 starfað sem leiðtogi stafrænnar markaðssetningar hjá The Engine og Pipar\TBWA.

„Fyrirtækið var stofnað árið 2005 af Kristjáni Má Haukssyni þá undir nafninu Nordic eMarketing. En Kristján starfar enn í fyrirtækinu og sem stafrænn leiðtogi fyrirtækisins í Osló. Árið 2014 var nafninu breytt í The Engine og starfsemi einnig hafin í Noregi það ár,“ segir í tilkynningu.

Nýverið var opnuð skrifstofa í Kaupmannahöfn og eru því skrifstofur fyrirtækisins nú í Reykjavík, Oslo og Kaupmannahöfn en unnið er að opnun skrifstofu í Helsinki og Stokkhólmi.

• Blogga um frétt