Bréf Icelandair niður um 4% eftir uppgjör
Bréf Icelandair hafa lækkað í viðskiptum í dag eftir uppgjör gærdagsins.
Setja bókamerki
Uppgjör Icelandair var birt í gær, en það sýndi 7,7 milljarða króna hagnað á þriðja ársfjórðungi. Þá hafa farþegatekjur aldrei verið hærri á stökum fjórðungi, eða 54,1 milljarður og sætanýting á þriðja ársfjórðungi aldrei betri.
Þetta virðist hins vegar ekki hafa uppfyllt væntingar markaðarins því bréf félagsins hafa lækkað um tæplega 4% við upphaf viðskipta í morgun og leiðir félagið lækkanir í Kauphöllinni.
Samtals hafa átt sér stað viðskipti með rúmlega 100 milljónir, en gengi bréfanna er nú 1,86 krónur á hlut.
Flest önnur félög hafa einnig lækkað, meðal annars Marel um 3% og Sjóvá um 2,5%.Önnur félög um minna en 2%. Aðeins bréf í Íslandsbanka hafa hækkað, eða um 1%.
Beint: Ellefu ráðuneyti í stað tólf
Forstjóri bendir á ábyrgð birgja vegna verðhækkana
Nágrannaþjóðir upplýstar en við vöðum í blindni
„Börn heima sem maður myndi vilja hafa í skjóli“
Þetta eru ráðherrar ríkisstjórnarinnar
„Óviðunandi eftirlit með börnum“