Harpa og Icelandair í samstarfi

Harpa tónlistar- og ráðstefnuhús og Icelandair hafa undirritað samstarfssamning til þriggja ára.

„Markmiðið með samstarfinu er að vekja athygli á Íslandi sem spennandi alþjóðlegum áfangastað og sérstöðu Hörpu fyrir hvers kyns ráðstefnur, tónleika og aðra menningartengda viðburði,“ segir í tilkynningu. 

Félögin munu meðal annars starfa saman að því að fjölga alþjóðlegum viðburðum í Hörpu. 

Fyrsti viðburðurinn sem samstarfið tekur til er heimsókn Kyiv Grand Ballet frá Úkraínu sem flytur Hnotubrjótinn ásamt Sinfóníuhljómsveit Íslands fyrstu helgina í aðventu. Haldnar verða fjórar sýningar í Eldborg 24.-26. nóvember.

• Blogga um frétt