Máli gegn Landsbankanum vísað til EFTA-dómstólsins
Setja bókamerki
Héraðsdómur Reykjavíkur hefur leitað ráðgefandi álits EFTA-dómstólsins um lögmæti skilmála fasteignaláns Landsbankans um breytilega vexti.
Héraðsdómur felldi að hluta úrskurð um að leitað skyldi ráðgefandi álits í júní en bankinn kærði úrskurðinn til Landsréttar. Landsréttur hafnaði rökum bankans og staðfesti að leita bæri ráðgefandi álits og því er beiðnin um ráðgefandi álit nú formlega komin til meðferðar EFTA-dómstólsins, að því er fram kemur í tilkynningu Neytendasamtakanna.
Í beiðninni er óskað álits á því hvort skilmáli Landsbankans samræmist ákvæðum tilskipunar 2014/17/ESB um fasteignalán til neytenda.
„Tilvitnuð ákvæði í spurningu Héraðsdóms Reykjavíkur til EFTA-dómstólsins kveða á um að viðmiðunarvextir í lánssamningi um breytilega vexti skuli vera skýrir, aðgengilegir, hlutlægir og sannprófanlegir, annars vegar, og hins vegar, að greina skuli með skilmerkilegum hætti í lánssamningi frá málsmeðferð og skilyrðum breytinga á útlánsvöxtum,“ segir í tilkynningu samtakanna.
Telja lánin ekki standast lög
Neytendasamtökin hafa haldið því fram að lán með breytilegum vöxtum standist ekki lög þar sem ákvarðanir um vaxtabreytingar eru að þeirra mati verulega matskenndar og ógegnsæjar og þess vegna segja samtökin ekki hægt að sannreyna hvort þær séu réttmætar.
Hafa samtökin hleypt af stokkunum hin svokallaða vaxtamáli til þess að verja hagsmuni neytenda. Þátttakendur í vaxtamálinu hafa stefnt viðskiptabönkunum þremur, Arion banka, Íslandsbanka og Landsbankanum, í samtals sex prófmálum.
Einu málinu gegn Landsbankanum hefur nú verið vísað til EFTA-dómstólsins, eins og fram kemur hér að ofan.
Hafa fengið ábendingar um meinta barnaníðinga
Fordæmalaust fárviðri sem gæti orðið sögulegt
Tveggja ára fangelsi fyrir manndráp á Lúx
Rýna í rýmingar á morgun
Halla klár í slaginn
„Svakalega öflug lægð“
/frimg/1/54/38/1543872.jpg)
225 milljónir greiddar og 60 milljónir eftir
Fer annan hring í borginni og framkvæmdir frestast