Brynhildur Davíðsdóttir, prófessor við Háskóla Íslands og stjórnarformaður Orkuveitu Reykjavíkur, gefur ekki kost á sér til áframhaldandi stjórnarsetu í félaginu. Brynhildur hefur setið í stjórn frá 2010 og verið stjórnarformaður frá 2016.

Borgarráð samþykkti á fundi sínum í gær tillögu nefndar um tilnefningar og kosningar til stjórnar fyrirtækja í eigu Reykjavíkurborgar, þar á meðal Orkuveitu Reykjavíkur.

Skúli Þór Helgason, borgarfulltrúi Samfylkingarinnar, og Ragnhildur Alda Vilhjálmsdóttir, borgarfulltrúi Sjálfstæðisflokksins, koma ný inn í stjórnina ásamt Þórði Gunnarssyni hagfræðingi sem er skipaður sem óháður stjórnarmaður.

Gylfi Magnússon, prófessor við viðskiptafræðideild HÍ og fv. viðskiptaráðherra í tíð ríkisstjórnar Jóhönnu Sigurðardóttur, mun taka við formennsku í stjórninni. Hann er nú varaformaður og hefur setið í stjórn frá 2014. Þá mun Vala Valtýsdóttir, lögmaður á Lögfræðistofu Reykjavíkur, sitja áfram í stjórn en hún kom inn í stjórnina í fyrra.

Auk Brynhildar víkja úr stjórn þeir Kjartan Magnússon, borgarfulltrúi Sjálfstæðisflokksins, og Eyþór Arnarlds, fv. borgarfulltrúi.

Frétt af mbl.is

Vill ekki svara efnislegum spurningum um starfsemi Ljósleiðarans

Morgunblaðið hefur nýlega fjallað um málefni Orkuveitunnar í samhengi við kaup Ljósleiðarans, dótturfélags Orkuveitunnar á grunnneti Sýnar. Brynhildur hefur ekki viljað svara spurningum um aðkomu og mat Orkuveitunnar á viðskiptunum þó fyrir liggi að kaupin munu hafa töluverð áhrif á efnahagsreikning Orkuveitunnar, sem er í ábyrgð fyrir skuldum Ljósleiðarans.

Tengdar fréttir

Ljósleiðarinn og OR

Tap Ljósleiðarans margfaldast á milli ára

• Gagnrýnir lokaða sölu á Ljósleiðaranum
• „Ein stærsta fjárfesting í sögu Reykjavíkurborgar“
• Tap Ljósleiðarans rúmlega þrefaldast
• Erling lætur af störfum hjá Ljósleiðaranum

» Fleiri tengdar fréttir

• Blogga um frétt