Kjarninn og Stundin sameinast á nýju ári

Fjölmiðlarnir Kjarninn og Stundin hafa ákveðið að sameinast og verður nýr fjölmiðill með nýju nafni til á nýju ári. Ritstjórar verða Ingibjörg Dögg Kjartansdóttir og Þórður Snær Júlíusson.

„Áhersla verður lögð á rannsóknarblaðamennsku, greiningar og daglegar fréttir frá sjónarhóli almennings fremur en sérhagsmuna,“ segir á vefsíðu Kjarnans.

Kjarnastarfsemi nýja fjölmiðilsins verður dagleg fréttasíða og prentútgáfa sem kemur út tvisvar í mánuði. Fyrirhugað er að fyrsta útgáfan komi út 13. janúar næstkomandi.

Eigendahópur fjölmiðilsins mun telja á fjórða tug einstaklinga, bæði starfsmanna og áhugafólks um fjölmiðlun. Enginn fer með meira en tíu prósenta eignarhlut.

• 1 blogg um fréttina

Bloggað um fréttina

• Páll Vilhjálmsson: Þórður Snær og Ingibjörg: almenningur styðji glæpablaðamennsku