Stórfyrirtæki kaupa kolefnisbindingu

Svissneska fyrirtækið Climeworks, sem fangar koldíoxíð (CO₂) úr andrúmsloftinu á Hellisheiði, hefur samið við alþjóðlegu stórfyrirtækin Microsoft, Stripe og Shopify, sem minnka kolefnisspor sitt á þennan hátt. Þau eru fyrstu viðskiptavinir sem borga Climeworks fyrir föngun og förgun koltvísýrings.

Frétt af mbl.is

Tífalda afköst til föngunar og förgunar

Íslenska fyrirtækið Carbfix tekur við gróðurhúsaloftinu frá lofthreinsiveri Climeworks og dælir því niður í borholur á Hellisheiði þar sem það hvarfast við berggrunninn og myndar steindir. Norska vottunarfyrirtækið DNV vottaði vinnsluferli Climeworks og Carbfix við varanlega förgun koldíoxíðs í september síðastliðnum. Það þykir vera mikil viðurkenning fyrir þá aðferð við að fanga gróðurhúsaloftið úr andrúmsloftinu og binda það varanlega í jörðu.

Lesa má meira um málið í Morgunblaðinu í dag.